Göbələk və turşu xiyarla - Bifstroqanov

Tərkibi:
▪️ Mal əti filesi – 400 q
▪️ Təzə şampinyon göbələyi – 200 q
▪️ Baş soğan – 150 q (1-2 ədəd)
▪️ Turşu xiyar – 150 q
▪️ 10% xama – 150 q
▪️ Tomat pastası – 30 q
▪️ Bitki yağı – 10 q
▪️ Buğda unu – 15 q (sos üçün)
▪️ Su və ya bulyon – 100 ml
▪️ Dəfnə yarpağı, qara istiot dənəsi, duz – zövqə görə

Hazırlanması:
1. Mal ətini nazik uzun zolaqlar şəklində doğrayın.
2. Soğanı yarımhalqa, göbələkləri dilim, turşu xiyarı isə xırda kub şəklində doğrayın.
3. Tavada yağı qızdırın və əti hissə-hissə yüngül qızılı rəng alana qədər qovurun. Sonra ətləri bir qaba yığın.
4. Eyni tavada soğanı şəffaflaşana qədər qovurun.
5. Göbələkləri əlavə edin və mayesi çəkilənə qədər bişirin.
6. Üzərinə unu səpib qarışdırın, 1 dəqiqə qovurun.
7. Əti yenidən tavaya əlavə edin.
8. Tomat pastası, doğranmış turşu xiyar, xama və su/bulyonu əlavə edin.
9. Dəfnə yarpağı, istiot və duz əlavə edib qarışdırın.
10. Qapağı örtülü şəkildə, zəif odda 25–35 dəqiqə bişirin – ət yumşalana qədər.

Nuş olsun!

Ulusum.az