Kişi sağlamlığı üçün vacib qidalar

Kişi sağlamlığı üçün ən vacib olan məhsullar arasında yağsız ət, Omega-3 yağ turşuları, meyvələr, tərəvəzlər və mürəkkəb karbohidratlar yer alır. Bu barədə "Gazeta.Ru"-ya Rusiya Elmi-Tədqiqat Qida Sistemləri İnstitutunun aparıcı elmi işçisi Mariyetta Aslanova danışıb.

Aslanova qeyd edib ki, kişilərin sağlamlığına diqqət yetirməsi çox vacibdir, çünki bu, onların ümumi rifahını və orqanizminin güclü olmasını təmin edir. Kişilər üçün düzgün qidalanma, metabolizmə uyğun bir pəhriz olduqca önəmlidir.

O, yağsız ətin kişilərin pəhrizində mütləq olmalı olduğunu vurğulayıb, çünki bu ət növü balanslı zülal və əvəzolunmaz amin turşuları təmin edir, həmçinin testosteron istehsalında mühüm rol oynayan xolesterin ehtiva edir.

Bundan əlavə, Omega-3 yağ turşuları ilə zəngin məhsulların — bitki yağlarının, balıq yağının, balığın, dəniz məhsullarının və qoz-fındığın pəhrizə daxil edilməsi tövsiyə olunur. Tərəvəzlər və meyvələr də vacibdir, çünki onlar vitaminlər, minerallar və antioksidantlarla zəngindir.

Aslanova, həmçinin, kişilərə mürəkkəb karbohidratları, xüsusən yarmaları və paxlalıları qəbul etmələrini tövsiyə edib. Bununla yanaşı, toyuq əti və tam taxıl məhsulları da pəhrizə əlavə edilməlidir.

Bunun əksinə olaraq, yağlı və tüstülənmiş ət məhsullarından, yüksək duzlu və transyağlardan, sadə karbohidratlardan, həmçinin pivədən uzaq durmaq lazımdır. Pivə, içindəki fitosestrogenlər səbəbindən kişi sağlamlığına mənfi təsir göstərə bilər.

Səidə