Yorğunluq ürək xəstəliklərinin əlaməti ola bilər

Yorğunluq, nəfəs darlığı və ya iştahsızlıqla müşayiət olunan hallarda ürək xəstəlikləri, o cümlədən kardiomiopatiya barədə xəbərdarlıq edilə bilər. Bu barədə Daily Mail nəşrinə açıqlama verən Cardiomyopathy UK xeyriyyə təşkilatının direktoru həkim Robert Holl bildirib.

Mütəxəssis qeyd edib ki, kardiomiopatiya ürəyin divarlarının, xüsusən də əsas nasos otağı olan sol mədəcikdən qalınlaşmasına səbəb olur. Nəticədə ürək qanı bədənə effektiv şəkildə vurmağı dayandırır.

"Həmin zaman ürək əzələsi düzgün işləmədiyi üçün bədəndə daha az oksigen dövr edir, bu da yorğunluğa səbəb olur", — deyə həkim Holl izah edib.

Xüsusilə "ürək yorğunluğu" məşq etdikdən sonra daha çox müşahidə olunur. Bəzən bu, nəfəs problemləri və iştahsızlıqla müşayiət oluna bilər. Belə simptomlar ortaya çıxdıqda, mümkün qədər tez həkimə müraciət etmək tövsiyə olunur.

Həkimin sözlərinə görə, yorğunluğa bəzən beta-blokatorlar (ikinci ürək tutması və aritmiyaların qarşısını almaq üçün dərmanlar) və qan təzyiqini salan preparatlar da səbəb ola bilər. Çünki bu dərmanlar ürəyin döyüntü tezliyini yavaşladır və bu, qan dövranında oksigenin daşınmasını çətinləşdirir.

Səidə