ABŞ alimləri taksan əsaslı kimyaterapiyanın nevropatiya riskini artırdığını müəyyən ediblər

ABŞ alimləri müəyyən ediblər ki, taksanlar və platin birləşmələrinə əsaslanan kimyaterapiya 40% hallarda nevropatik ağrılara səbəb olur.

“Ulusum”.az xəbər verir ki, tədqiqatın nəticələri Regional Anesthesia & Pain Medicine jurnalında dərc olunub. Nevropatiya, periferik sinirlərdə zədələnmə nəticəsində meydana gələn iltihab xarakteri daşımayan sinir sistemi pozğunluğudur.

Qlobal tədqiqatda 10,9 min xəstənin məlumatları araşdırılıb. Nəticələr göstərib ki, FOLFOX kimyaterapiyasından istifadə edildikdə nevropatik ağrılar yalnız 16% hallarda meydana gəlir. Lakin bəzi xərçəng növləri olan xəstələrdə, məsələn, ağciyər xərçəngi olan 60,2% xəstədə nevropatiya daha çox müşahidə edilib.

Səidə