"DNK Hospital"-dan açıqlama: Ayaz Məmmədov sağdır, yayılan xəbərlər həqiqəti əks etdirmir

Son günlər bəzi KİV-lərdə Gəncədə yerləşən “DNK Hospital” barədə yayılan iddialar — xüsusilə Ayaz Məmmədovun vəziyyəti ilə bağlı xəbərlər — tamamilə əsassızdır.

Xəstəxanadan Ulusum.az-a bildirilib ki, yol-nəqliyyat hadisəsi zamanı xəsarət alan Ayaz Məmmədov hal-hazırda müalicəsini klinikada davam etdirir, vəziyyəti isə sabit və nəzarət altındadır. Onun səhhəti ilə bağlı rəsmi tibbi məlumatlar ailəsinə dəfələrlə təqdim olunub.

"DNK Hospital", guya xəstənin "vəfat etməsi və ya sağ olması ilə bağlı ziddiyyətli açıqlamalar verilməsi" kimi iddiaların yalan olduğunu, yayılan xəbərlərin isə reallıqla heç bir əlaqəsi olmadığını vurğulayıb.

Müalicə bütün tibbi protokollara uyğun şəkildə aparılır, ailənin sorğusu əsasında bütün sənədlər təqdim olunub. Məsələ ilə bağlı aidiyyəti rəsmi qurumlarla əməkdaşlıq davam edir və heç bir hüquqi pozuntuya yol verilməyib.

"DNK Hospital"-dan media nümayəndələrinə müraciət: xahiş edirik, rəsmi mənbə olmadan məlumat yaymayın.