“Baltik Suvenir” – ən böyük kehrəba parçası 1,18 milyon rubla satıldı

Kalininqradın “Rostex” şirkətinə məxsus ən böyük təbii kehrəba parçası “Baltik Suvenir” adlı eksponat Moskvada keçirilən AmberForum25 çərçivəsində keçirilən hərracda 1 milyon rublun üzərində qiymətə satılıb. Bu barədə şirkətin mətbuat xidməti məlumat yayıb.

Bu unikal hərrac kehrəba sənayesinin forumu çərçivəsində baş tutub və ən azı 1 kiloqram ağırlığında nadir tapılan böyük kehrəba nümunələri iştirakçılardan böyük maraq görüb. 2024-cü ildə 10 belə parça aşkar edilib, cari ildə isə yalnız 5 ədəd tapılıb.

Ən böyük eksponat olan “Baltik Suvenir” 2,122 kiloqram ağırlığında olub. Hərrac zamanı qiyməti 650 min rubladan 1,18 milyon rubla qədər 53 dəfə yüksəlib.

Qeyd edilir ki, bu kehrəbanın quruluşu qeyri-adi və unikal olub. Əvvəlcə şirə ağacın gövdəsinə sızaraq birinci hissəni formalaşdırıb, sonra ağac qabığının təbii maneəsi dağıldıqdan sonra yuxarıdan əlavə şirə axıb. Kehrəbanın rəngləri işıqlı mat, bal rəngi şəffaf və konyak-qırmızı çalarlardan ibarətdir.

Ulusum.az