İnsanı radiasiyadan qoruyan antioksidant yaradılıb - Araşdırma

Şimali-Qərb Universitetinin (Çikaqo) kimyaçıları "MDP" adlı sintetik antioksidant yaradıblar ki, bu da insan orqanizmini radiasiyanın dağıdıcı təsirlərindən qoruya bilir.

"Ulusum".az xəbər verir ki, tədqiqatın nəticələri "Proceedings of the National Academy of Science" (PNAS) jurnalında dərc edilib.

MDP-nin yaradılması ideyası, "Konan bakteriyası" kimi tanınan Deinococcus radiodurans bakteriyasının araşdırılması əsasında inkişaf edib. Bu mikrobioloji "super qəhrəman" radiasiyanın ekstremal səviyyələrinə dözə bilir, çünki onun hüceyrələrini sərbəst radikalların və reaktiv oksigen növlərinin dağıdıcı təsirlərindən qoruyan unikal antioksidantları var.

Alimlərin inkişaf etdirdiyi MDP, bu bakteriyanın təbii proseslərini təqlid edir. O, manqan ionları, fosfat və sintetik pepitidlərdən ibarət olub, hüceyrə zülallarını effektiv şəkildə qoruyan bir molekul əmələ gətirir. Bu, xüsusilə vacibdir, çünki radiasiya toksikliyinin əsas mexanizmi zülalların dağıdılması, DNT-nin deyil.

"Biz radiasiya təsirini öyrənmək yanaşmasını yenidən nəzərdən keçirdik və zülalların qorunmasının radiasiya stresi altında hüceyrənin sağ qalmasında əsas element olduğunu aşkar etdik. Bizim antioksidantımız MDP, hüceyrə funksiyalarını yüksək radiasiya səviyyələrində belə qorumağa imkan verir", — deyə tədqiqatçılar bildiriblər.

MDP, tibb və kosmonavtika sahələrində yeni imkanlar açır. Gələcəkdə o, kosmosda astronavtlara, radiasiya terapiyası zamanı xəstələrə, həmçinin nüvə energetikası işçilərinə və təcili xidmətlərə qarşı qorunma təmin etmək üçün istifadə oluna bilər.


Səidə Mustafa