Klassik Çizkeyk – Sadə və Dadlı

Çizkeyk həm ləzzətli, həm də krem kimi yumşaq desert axtarırsansa, evdə hazırlamaq üçün ideal resept budur. Qonaqlarını və ya sevdiklərini bu xüsusi dadla sevindirmək istəyirsənsə, addım-addım bu təlimatı izləmək kifayətdir. Sadə inqrediyentlərlə hazırlanan bu çizkeyk, sənin yeni sevimli desertin olacaq!

Tərkibi:

200 q peçenye

100 q kərə yağı

600 q krem pendir

200 ml qaymaq

150 q şəkər tozu

3 ədəd yumurta

1 ç.q vanil şəkəri

2 x.q limon suyu

Hazırlanması:

Peçenyeləri incə - incə üyüdüb, əridilmiş kərə yağı ilə qarışdır.

Qarışığı qəlibin dibinə yay və basaraq möhkəmləşdir. Soyuducuya qoy.

Krem pendiri, şəkər tozu və vanili mikserlə yaxşıca çal.

Yumurta əlavə edib qarışdırmağa davam et.

Qaymaq və limon suyunu əlavə edərək hamarlığı təmin et.

Hazırladığın qarışığı peçenye qatının üstünə tök və əvvəlcədən isidilmiş 160°C sobada 50-60 dəqiqə bişir.

Sobadan çıxarıb tam soyumasını gözlə, sonra ən az 4 saat soyuducuda saxla.

İstəyə görə üzərini təzə meyvələr və ya mürəbbə ilə bəzə.

Ulusum.az