Xaşın zərərləri nələrdir?

Xaş hər nə qədər qış mövsümündə faydalı hesab edilsə də, düzgün və balanslı istehlak edilmədikdə müəyyən zərərləri də var. Onun tərkibində yüksək miqdarda doymuş yağ və xolesterol olduğundan, tez-tez və həddən artıq yeyilməsi qan damarlarında tıxanmalara səbəb ola bilər. Bu da ürək-damar problemlərini artırır.

Eyni zamanda, xaş yüksək kalorili qida olduğu üçün artıq çəki problemi yaşayan və ya çəki almaq istəməyən insanlar üçün risklidir. İstifadə edənlərdən aktiv həyat tərzi sürmələri və fiziki fəaliyyətə üstünlük vermələri tövsiyə olunur. Həddindən artıq istehlak mədə-bağırsaq problemlərinə də səbəb ola bilər, çünki bu qida orqanizmə ağır gəlir. Eltun Məmmədov