Həssas mədəsi olanlar üçün ən təhlükəsiz qəhvə variantı

Qəhvəni necə içmək daha yaxşıdır — südlə, yoxsa südsüz? Bu barədə mübahisələr onilliklərdir davam edir. Xüsusilə həssas mədəsi olan insanlar üçün bu seçim birbaşa sağlamlığa təsir edir.

Qara qəhvə mədədə duz turşusunun ifrazını gücləndirir, bu da qıcqırma və narahatlıq yarada bilər.

Süd bu təsiri yumşaldır, turşuluğun bir hissəsini neytrallaşdırır və içkini daha az aqressiv edir.

Kofein bağırsaq hərəkətini sürətləndirir, buna görə də bir fincan espressodan sonra tualet ehtiyacı yarana bilər. Süd bu prosesi yavaşladır.

Südün tərkibindəki laktoza mədəni qıcıqlandıran maddələrin bir qismini neytrallaşdırır, amma laktaza çatışmazlığı olan insanlar üçün bu variant uyğun deyil.

Araşdırmalar göstərir ki, südlü qəhvə mədədə reflüksü daha az provokasiya edir. Amma yağlı süd həzmi yavaşıda və ağırlıq hissi yarada bilər.

Qastrit və ya xora zamanı həkimlər qara qəhvədən tamamilə imtina etməyi məsləhət görürlər. Az miqdarda südlə qarışdırılmış qəhvə isə daha təhlükəsiz alternativ ola bilər.

Bitki mənşəli südlər (badam, yulaf, kokos) də qəhvəni yumşaldır, amma hər zaman turşuluğu azaltmır. Ən yaxşısı – şəkərsiz variant seçməkdir.

Qara qəhvə içməkdən imtina etməyənlər üçün onu acqarına deyil, yeməkdən sonra içmək daha faydalıdır.

Soyuq qəhvə mədəyə isti qəhvədən daha yumşaq təsir edir, amma südlə qarışdırıldıqda bəzi insanlarda köp yarada bilər.

Həll olunan qəhvə adətən təzə üyüdülmüşdən daha az turş olur, amma tərkibində mədəni qıcıqlandıra biləcək əlavə maddələr çoxdur.

🔹 İdeal həll yolu yoxdur — hər şey insanın orqanizminin fərdi reaksiyasından asılıdır. Amma həssas mədəsi olanlar üçün az miqdarda südlü qəhvə daha təhlükəsiz seçimdir.

Ulusum.az