"Əsrin Toyu": Bezosla Sançesin 50 milyon dollarlıq Venedik məclisi etirazlara səbəb oldu

Amazon-un təsisçisi Ceff Bezos və keçmiş teleaparıcı Loren Sançesin toy mərasimi 26–27 iyun tarixlərində İtaliyanın Venedik şəhərində keçirilir və artıq "əsrin toyu" adlandırılıb. Ulusum.az news.ru-ya istinadən bildirir ki, toyun büdcəsi 50 milyon dolları keçə bilər.

🔹 Nə qədər xərc çəkilib?

Reuters-ə görə, mərasimin büdcəsi 46–60 milyon dollar (təxminən 100 milyon manat) civarındadır. Toy mərasimi Aman Venice otelində və ya Bezosun 500 milyon dollarlıq yaxtasında keçirilə bilər. Loren Sançes toyda 27 fərqli geyim dəyişəcək, tortu isə məşhur fransız şirniyyatçısı Sedrik Grolé hazırlayacaq.

🔹 Kimlər dəvət olunub?

Tədbirə 200–250 nəfər yüksək profilli qonaq dəvət olunub: Donald Tramp ailəsi ilə, Bill Geyts, Oprah Winfrey, Leonardo DiKaprio, Orlando Blum, Keti Perri və Kardashian ailəsi. Venedikdə 90-a yaxın şəxsi təyyarə və lüks yaxtalar gözlənilir.

🔹 Venediklilər niyə etiraz edir?

Şəhər sakinləri toy səbəbilə yaranan narahatlıq və yol bağlanmalarına görə narazıdır. Onlar Bezosdan daha çox vergi ödəməsini tələb edir, bəzi fəallar isə toyun keçirildiyi əraziləri qayıqlar və xilasetmə jiletləri ilə bloklamağı planlaşdırır. Şəhərdə “Bezos buraya aid deyil” şüarlı plakatlar asılıb.