Günəşdən gələn plazma Yerə çatır: Alimlərdən xəbərdarlıq!

Şənbə günü, Günəşdə baş verən güclü alışmadan sonra yaranmış nəhəng plazma buludu 1 iyun tarixində, təxminən saat 16:00-da Yerə çatacaq. Bu barədə Rusiya Elmlər Akademiyasının Kosmik Tədqiqatlar İnstitutu və Günəş-Yer Fizikası İnstitutunun Günəş astronomiyası laboratoriyası məlumat verib.

Alimlərin hesablamalarına görə, plazmanın sürəti son dərəcə yüksəkdir – saniyədə təxminən 1200 kilometr. Bu sürətlə Günəşlə Yer arasındakı 150 milyon kilometrlik məsafəni cəmi 35 saata qət edəcək.

Yerin yaxınlığında yerləşən kosmik aparatlar üçün isə bu plazma təsiri daha tez hiss olunacaq. Plazma Yerə çatmazdan 20–30 dəqiqə əvvəl Günəşə daha yaxın, L1 Laqranj nöqtəsində yerləşən kosmik qurğulara, o cümlədən SoHO peykinə dəyəcək. Həmin peyklərdən alınacaq siqnallar Yerətrafı orbitdə yerləşən digər kosmik cihazlar üçün də önəmli xəbərdarlıq rolunu oynayacaq.

Ulusum.az