Tramp tərəfdarı 31 yaşlı Çarli Kirk güllələndi

Tramp tərəfdarı və siyasi fəal Çarli Kirk Yuta ştatındakı Utah Valley Universitetində çıxışı zamanı güllələnib. O, boyun nahiyəsindən yaralanıb və ağır vəziyyətdə xəstəxanaya yerləşdirilib.

Bir qədər sonra ABŞ prezidenti Donald Tramp açıqlama verərək bildirib ki, Çarli Kirk dünyasını dəyişib.

Tramp öz sosial şəbəkəsi Truth Social-da yazıb ki, ölkə üzrə bayraqlar dörd gün müddətinə, bazar günü axşamına qədər yarıya qədər endiriləcək:



31 yaşlı Çarli Kirk Trampın yaxın tərəfdarı, podkast aparıcısı və konservativ dəyərləri məktəblərdə, kolleclərdə və universitetlərdə təbliğ edən Turning Point USA təşkilatının qurucusu idi.

Kirkə atəş 100–200 metr məsafədən açılıb. Əvvəlcə yerli hakimiyyət orqanları hücumda şübhəli şəxsin saxlanıldığını bildirsə də, sonradan məlum olub ki, silahlı şəxs hələlik tutulmayıb.

Ulusum.az