İngiltərədə pərakəndə nəhəngindən kütləvi ixtisar planı

Keçən həftə Varşava mərkəzli Pepco Group tərəfindən simvolik bir məbləğ qarşılığında ABŞ-ın Gordon Brothers şirkətinə satılan Poundland, yenidənqurma planını açıqlayıb.

AZI 1000 NƏFƏR İŞİNİ İTİRƏCƏK

Pərakəndə mağazalar şəbəkəsi iş modelini dəyişmək məqsədilə 68 mağazasını bağlayacaq.

Britaniya mediasının məlumatına görə, bu, azı 1000 nəfərin işini itirməsinə səbəb ola bilər.

MAĞAZA SAYISI 800-DƏN 650-YƏ ENƏCƏK

Poundland hazırda 800 olan mağaza sayını uzunmüddətli perspektivdə 650–700 aralığına endirməyi planlaşdırır.
Hazırda 16 min nəfərin çalışdığı mağazalarda bir çox işçi bu dəyişiklikdən təsirlənəcək.

Bundan əlavə, yenidənqurma çərçivəsində dondurulmuş qida satışı dayandırılacaq, soyudulmuş məhsullarda isə məhdudlaşdırma aparılacaq.

Şirkət, Darton bölgəsindəki dondurulmuş qida və rəqəmsal paylama mərkəzini, 2026-cı ilin əvvəlində isə Bilston şəhərindəki milli mərkəzini bağlamağı planlaşdırır.

Ulusum.az