Bu gün beş güləşçimiz qitə çempionatında xalça üzərinə çıxacaq

Slovakiyanın paytaxtı Bratislavada keçirilən güləş üzrə Avropa çempionatı davam edir. Bu gün sərbəst güləş üzrə yığmamızın daha beş üzvü xalça üzərinə çıxacaq.

"Ulusum.az" xəbər verir ki, yarışın ikinci günündə 61 kq çəki dərəcəsində Nurəddin Novruzov, 71 kq-da Ağanəzər Novruzov, 86 kq-da Arseniy Cioyev, 92 kq-da Osman Nurmaqomedov və 125 kq-da Giorgi Meşvildeşvili ilk görüşlərini keçirəcəklər.

Bununla yanaşı, 79 kq çəkidə Orxan Abasov təsəlliverici qarşılaşmada iştirak edəcək. İslam Bazarqanov (57 kq), Əli Rəhimzadə (65 kq) və Kənan Heybətov (70 kq) isə bürünc medal uğrunda mübarizə aparacaqlar.

Qeyd edək ki, mötəbər yarış aprelin 13-dək davam edəcək. Görüşlər hər gün Bakı vaxtı ilə saat 12:30-da start götürüb.

İdmançılarımıza yarışda uğurlar arzulayırıq! Hər birinizin mübarizəsində güc, iradə və əzmkarlıq sizi zəfərə daşısın! Uğurlarınız bol olsun, Azərbaycanınızın adını qürurla yüksəldin!