Kaliforniya sakini övladlarını qətlə yetirib

“Ulusum”.az-ın məlumatina görə, New York Post xəbər verir ki, Kaliforniyada yaşayan Metyu Teylor Kolman sui-qəsd nəzəriyyələrinə aludə olaraq iki azyaşlı övladını qətlə yetirib. Polis onun ağır psixoloji problemləri olduğunu istisna etmir.

Hadisə 2021-ci ilin yayında baş verib. Kolman həyat yoldaşı Ebbi və iki uşağı — iki yaşlı Kaleo və on aylıq Roksi ilə tətilə çıxmağı planlaşdırırdı. Lakin qəfil qərarını dəyişərək uşaqları götürüb naməlum istiqamətə yola düşüb.

Polis araşdırması zamanı məlum olub ki, Kolman uşaqları Meksikadakı bir fermaya aparıb və orada onları harpunla qətlə yetirib. Uşaqların cəsədləri fermanın sahibi tərəfindən tapılıb və dərhal hüquq-mühafizə orqanlarına məlumat verilib.

İstintaq zamanı Kolman uşaqlarının "ilan DNT-sinə" malik olduğunu və bunun insanlara təhlükə yaratdığını düşündüyünü etiraf edib.

Müdafiə tərəfi onun ağır psixoloji vəziyyətdə olduğunu bildirib. Kolman bəzən özünü "Matrisa" filminin qəhrəmanı Neo kimi hiss etdiyini söyləyib. Buna baxmayaraq, məhkəmə dinləməsi təxirə salınmayıb və 18 fevralda keçiriləcək.

Səidə