Rusiya cümə axşamı gecə 105 pilotsuz uçan aparatla Ukraynaya hücum edib

Rusiya cümə axşamı gecə 105 Şahed tipli pilotsuz uçan aparatla Ukraynaya hücum edib. Bu barədə Ukrayna Silahlı Qüvvələrinin Hərbi Hava Qüvvələri məlumat yayıb.

Məlumata görə, kamikadze pilotsuz uçan aparatlar 15-dən çox regionda - Kiyev, Çerkassı, Vinnitsa, Xmelnitski, Kirovoqrad, Jitomir, Poltava, Çerniqov, Xerson, Odessa, Xarkov, Sumı, Dnepropetrovsk, Rivne və İvano-Frankovda vurulub.

“Bir pilotsuz təyyarə Belarus istiqamətində uçdu, Ukraynanın müxtəlif bölgələrində düşmənə məxsus 23 PUA itirildi”, - deyə Ukrayna ordusu iddia edir.

Eltun Məmmədov