Mark Zukerberqin qonşuları onun həyat tərzindən narazıdır

Meta-nın rəhbəri Mark Zukerberqin qonşuları onun həyat tərzindən ciddi narahatlıq edirlər. New York Times-ın məlumatına görə, yerli sakinlər polis nəzarətinin gücləndirilməsi, küçələrin tez-tez bağlanması və yüksək səslə keçirilən partiyalar səbəbindən çox çətinlik çəkirlər.

Qeyd olunur ki, 2011-ci ildən etibarən Zukerberq Kaliforniyanın Kresent-Park rayonunda ən azı 11 ev alıb və onları özəl məktəblə birləşdirərək böyük bir yaşayış kompleksi yaradıb. Onun evlərində çoxlu təhlükəsizlik kameraları quraşdırılıb, bəziləri qonşu torpaqları da izləyir. Təhlükəsizlik işçiləri isə keçən insanlara yaxınlaşaraq onların nə məqsədlə gəldiyini soruşurlar.

Qonşuları ən çox narahat edən isə korporativ partiyalardır. Bu tədbirlər üçün boş evlər istifadə olunur. Təhlükəsizlik məqsədilə bəzən polis yolları bağlayır və adi parklanma yerlərində avtomobil dayanmağı qadağan edir. Sakinlər bunu hakimiyyət nümayəndələrinin “həddindən artıq ehtiramı” kimi qiymətləndirirlər.

Ulusum.az