“Boris” qasırğası səbəbindən Mərkəzi Avropada güclü daşqınlar nəticəsində azı 17 nəfər ölüb

“Boris” qasırğası səbəbindən Mərkəzi Avropada güclü daşqınlar nəticəsində azı 17 nəfər ölüb.

Çexiyada ötən həftəsonu ən azı dörddə bir milyon ailə işıqsız qalıb.

Polşa hökuməti bazar ertəsi günü daşqınlardan zərər çəkmiş ərazilərdə - əsasən Çexiya ilə sərhəddə, Polşanın cənub-qərbində təbii fəlakət elan edib. Orada bir neçə daşqın bəndi uçub.

Rumıniyada daşqından ən çox zərər çəkən Moldova sərhədi yaxınlığında yerləşən Qalati qraflığı olub. Bəzi kəndlərdə suyun hündürlüyü metr yarıma çatırdı. Bir neçə min evə ciddi ziyan dəyib. Yüzlərlə insan evlərini tərk edərək yataqxanalara və ya müvəqqəti düşərgələrə köçdü.

Avstriyada, Dunay çayının qolu olan Traisen çayı üzərində təxminən 25 min nəfər əhalisi olan Lilienfeld şəhəri xarici dünya ilə əlaqəsi kəsilmiş vəziyyətdə qalır. Avstriya da bir neçə bəndin zədələndiyini bildirir. Bəzi metro xətlərinin bağlandığı Vyanada da su qalxıb.

Macarıstan potensial daşqına hazırlaşır. Budapeştdə Dunay çayının sahilləri qum torbaları ilə möhkəmləndirilir.

Eltun Məmmədov