Putin İran prezidenti ilə Qəzza, Suriya və Cənubi Qafqazdakı vəziyyəti müzakirə edəcək

Rusiya və İran prezidentləri Vladimir Putin və Məsud Pezeşkian 17 yanvar 2025-ci ildə Moskvada görüşərək Suriya, Fələstin-İsrail münaqişəsi zonası və Cənubi Qafqazdakı vəziyyəti müzakirə edəcəklər. “Ulusum”.az xəbər verir ki, məlumati TASS yayib.

Görüş zamanı həmçinin İranın nüvə proqramı ətrafındakı vəziyyət və Yaxın Şərqdəki ümumi durum da diqqət mərkəzində olacaq.

Bundan əlavə, liderlər iki ölkə arasında hərbi-siyasi, ticarət-iqtisadi, elmi, təhsil və mədəni-humanitar sahələrdə əməkdaşlığı gücləndirmək məqsədilə hərtərəfli strateji tərəfdaşlıq haqqında müqavilə imzalayacaqlar.

Qeyd edək ki, İranın Rusiyadakı səfiri Kazım Cəlalinin bildirdiyinə görə, Rusiya qazının İrana tədarükünə dair müqavilə demək olar ki, hazırdır.

Səidə Mustafa