"Nəlbəki" Kaliforniya SƏHNƏSİNDƏ - EKSKLÜZİV YENİLƏNİB - VİDEO

Azərbyacanın stendi böyük marağa səbəb oldu Azərbaycan haqqında suallara cavab verdilər. səhnədə 3 rəqs çıxış oldu "Ağçiçəyim", "Nəlbəki" və "Yallı" rəqsimiz oldu. çıxışlardan qabaq həmin rəqslər haqda amerika tamaşaçısına məlumatlar verilib. ÇIxışlar böyük marağa səbəb oldu.

Kaliforniyanın Mounten Vyu şəhərində Mulktikultural Festival keçirilib.

İki ildən bir baş tutan və Silikon Vadisində yaşayan fərqli millətlərin mədəniyyətlərini yerli əhaliyə tanıtmaq məqsədi daşıyan bu festivalda Azərbaycan haqda geniş məlumatları əks etdirən stendlər, postlar nümayiş etdirilib.

ULUSUM.az saytının ABŞ bürosunun məlumatına əsasən, sözügedən festivalda milli rəqslərimiz - "Ağçiçəyim", "Nəlbəki" və "Yallı" haqqında ətraflı məlumat verilib daha sonra səhnədə ifa olunub. Bu isə festival iştirakçıları və tamaşaçıları tərəfindən böyük maraqla qarşılanıb.

Qeyd edək ki, bu il artıq ikinci dəfədir ki, Azərbaycanı və onun mədəniyyətini təmsil etmək üçün Şimali Kaliforniya Azərbaycan Mədəniyyəti təşkilatı (ACSNC) sözügedən festivala dəvət olunub. ACSNC Azərbaycan güşəsində, eyni zamanda əsas səhnədə milli rəqslərlə Mounten Vyu-da Vətənimizi təmsil edib.

Təşkilat 40 ilə yaxındır Azərbaycan mədəniyyətini Şimali Kaliforniyada təbliğ edir.

Qeyd edək ki, Şimali Kaliforniya Azərbaycan Mədəniyyəti təşkilatı (ACSNC) 40 ilə yaxındır ABŞ-ın Koliforniya ştatında fəaliyyət göstərir. Təşkilat burada Vətəndən uzaqda olan soydaşlarımız üçün mədəni və maarifləndirici tədbirlər təşkil etməklə, mədəniyyətimizi, tariximizi, irsimizi tanıtmaq missiyasını yerinə yetirir.

Tofiq Ağayev
ULUSUM.az saytının ABŞ Bürosu.