Əlavə qidalar uşaqlarda hiperaktivlik yaradır!

Son zamanlar valideynlər uşaqlarının əsəbi və aqressiv olduğundan şikayətlənirlər. İngiltərədə aparılan araşdırmalar bunun əsas səbəbini üz çıxartdı.

Qazlı içkilər, fas fud qidaları, dondurmavə digər rəngli, cəzbedici görünüşü ilə diqqət çəkən qidalar uşaqlarda və yeniyetmələrdə ərköyünlük, aqressivlik, hiperaktivlik kimi mənfi xüsusiyyətlər yaradır.

Ulusum.az xəbər verir ki, İngiltərədə azyaşlılarda aparılan araşırmaların nəticələri həyəcan təbili çalmağa əsas səbəb oldu. Bildirilir ki, yeyəcəkləri içərisində qida əlavələrinin üstünlük təşkil etdiyi uşaqlar üçün təhlükə qaçılmazdır. Xüsusilə turşu və şəkər tərkibli qida əlavələrindən imtina etmək tövsiyə olunur.

Çünki bunlar uşaqlarda beyin inkişafını ləngitdiyinə görə diqqət dağınıqlığı, hiperaktivliyə, aqressivliyə yol açır.

Mütəxəssislər bildirirlər ki, mütəmadi olaraq çöldə qidalanan uşaqlarda səbrsizlik, tələşkənlik, uyğunlaşa bilməmə, davakarlıq kimi mənfi xüsusiyyətlərə daha çox rast gəlinir.

Adətən valideynlər övladlarının istədiyi hər qidanı alaraq onları razı salmağa çalışırlar. Halbuki həmin qidaların istehlakı onların səhhətinə təhlükə yaradır.

Hazırda uşaqların böyük əksəriyyətində şəkərli diabet kimi xəstəliklərə təsadüf olunur ki, bunların da təməlində məhz əlavə qidalar dayanır.

Aymirə Ağamirova