Quzu ətinin qiyməti 22 manat oldu?

Qurban Bayramı ərəfəsində xüsusilə quzu ətinin qiymətində bahalaşma müşahidə olunur.

Satıcıların sözlərinə görə, hazırda 15-20 kiloqramlıq qurbanlıq quzu ətinin qiyməti 19-20 manat arasında dəyişir.

Ulusum.az Xəzər TV-yə istinadən bildirir ki, onların sözlərinə əsasən, 10 kiloqramlıq quzunun ətinin bir kiloqramı isə bəzi yerlərdə 22 manata qədər qalxır.

Qiymətlərin bahalaşması alıcı qüvvəsinə də təsir edib. Əvvəlki illərlə müqayisədə qurbanlıq quzularla bağlı sifarişlər kəskin şəkildə aşağı düşüb. Satıcılar bildirib ki, qiymətin dəyişməsinə yemin baha olması da təsir edən amillərdən biridir.

Alıcılar qiymətlərin artmasına görə aldıqları ətin kiloqramını azaltmaq məcburiyyətində qaldıqlarını bildirirlər.

İqdisatçı Ekspert Xalid Kərimlinin sözlərinə görə, qiymətin bahalaşmanın əsas səbəblərindən biri son illər ölkədə xırdabuynuzlu heyvanların azalması və qurban bayramı ərəfəsində ətə olan tələbatın artmasıdır.

Ekspert həmçinin qeyd edib ki, ət bazarında qiymətlər rəsmi qurumlar tərəfindən tənzimlənmir. Bayramdan sonra qiymətlərdə ucuzlaşma gözlənilir.