Akupunkturun həqiqətən işlədiyi sirr açıldı — amma mühüm nüanslar var

Son illərdə akupunktur həm arıqlamaq, həm də psixoloji gərginliyi azaltmaq üçün populyar üsullardan birinə çevrilib. Bir çoxları iynələrin köməyi ilə iştahanı boğmaq, depressiyadan qurtulmaq və ümumi sağlamlığı bərpa etmək mümkün olduğuna inanır. Lakin həkimlər xəbərdarlıq edir: akupunkturun təsiri hər kəsdə eyni olmur və bəzi vacib nüanslar nəzərə alınmalıdır.

Akupunkturun əsas prinsipi qədim Çin təbabətinə söykənir — enerji axınlarının balanslaşdırılması və orqanizmin özünü sağaltma mexanizmlərinin işə salınması. Bəzi tədqiqatlar göstərir ki, bu üsul həqiqətən də iştahanı azaldaraq çəkiyə nəzarət etməyə kömək edə bilər, eyni zamanda stress hormonlarını azaldaraq psixoloji rahatlıq yaradır.

Amma mütəxəssislər bildirir ki, nəticələr hər kəs üçün fərqlidir. Bəzilərində təsir güclü olsa da, digərlərində minimal və ya heç bir dəyişiklik olmaya bilər. Bundan başqa, akupunktur yalnız mütəxəssis tərəfindən və gigiyena qaydalarına tam riayət olunmaqla aparılmalıdır. Əks halda infeksiya və ya başqa fəsadlar yarana bilər.

Mütəxəssislərin tövsiyəsi: akupunktura yalnız həkimlə məsləhətləşmədən sonra müraciət edin və onu əsas müalicə deyil, əlavə dəstək üsulu kimi qəbul edin.

Ulusum.az