Mineral su yoxsa... Günəş altında işləyənlərin diqqətinə!

Artıq havalar isindi. Qarşıda isə bundan da qızmar yay günləri bizi gözləyir. Bu, tətilin başlaması, müəyyən işlərdə mövsümün başlaması üçün əla fürsət olsa da, işləyən, xüsusilə Günəş şüaları altında çalışanların vay halına...
İsti havada tər vasitəsilə maye itkisi baş verdiyinə görə, orqanizmin suya olan tələbatı artır.
Adətən yay mövsümündə qablaşdırmada olan sərin mineral sular müntəzəm istehlak olunur.
Ulusum.az-ın əldə etdiyi məlumata əsasən isə, həmin mayelər nəinki susuzluğu aradan qaldırmır, hətta daha çox susuzluğu hiss etdirir. Çünki günəş şüaları altında saatlarla işləyən şəxsin bədən temperaturu yüksək olduğuna görə, sərin, buz kimi suyu qəbul etdikdə ona əks təsir göstərir.
Aparılan eksperimentlər göstərir ki, həmin şəxslərdən biri susuzluğunu aradan qaldırmaq məqsədilə sərin mineral su qəbul edir, digəri isə çay içir. İkincinin susuzluğu dərhal dayanır, birincinin isə əksinə, buna görə bir neçə butulka mineral su qəbul etsə də, hələ də susuzluqdan əziyyət çəkir. Araşdırmaçılar belə nəticəyə gəliblər ki, çay həmin şəxsin bəzən temperaturuna uyğun gəldiyi üçün ona bu maye xoş gəlir, üstəlik susuzluğunun azalmasına səbəb olub.
Məşhur mahnıda deyildiyi kimi, yaz, yay, payız, qış, fərqi yoxdur, çay hər fəsildə sevilir və istehlak olunur.

Aymirə Ağamirova