Bundan sonra mətbəx düzənini dəyişəcəksiniz....

İllərdir səhv bilmişik: Kartof və soğanı eyni yerdə saxlayanların vay halına.

Xanımların əksəriyyəti evdə zamanının böyük hissəsini mətbəxdə keçirir.

Buna görə də mətbəx üçün yeni əşyalar alıb, düzənini tez-tez dəyişdirənlər də az deyil.

Ulusum.az-ın indi təqdim edəcəyi xəbərdən sonra ərzaqları yerləşdirərkən bir nüansa diqqət edəcəksiniz.

Kartof və soğan milli mətbəximizdə üstünlük verilən ərzaqlardır. Hər yeməyə ayrı bir dad bəxş edən bu tərəvəzlər demək olar ki mətbəxinizdən əskik olmur.

Adətən xanımlar bu iki ərağı eyni qabda, yaxud yaxın məsafədə saxlayırlar.

Ulusum.az xəbər verir ki, nmütəxəssislərin gəldiyi qənaətə görə isə, onların birlikdə saxlanması bir sıra zərərlərə səbəb ola bilər.

Deməli, kartof-soğanın yaxınlığı hər ikisinin tez xarab olmasına gətirib çıxarır. Buna səbəb, bu yaxınlığın onların inkişafını sürətləndirməsidir.

Soğan etilen qazı buraxır, bu qaz isə kartofları daha sürətli cücərdir və yumşaldır.


Cücərən kartofları isə heç kim istehlak etmək istəməz. Bu, onun görünüşü ilə yanaşı, dadının istməsinə də təsir edir.

Digər tərəfdən, cücərmiş kartofun qəbulu insan səhhətinə də mənfi təsir edir.

Eyni zamanda kartof ətraf mühitinin nəm saxlanmasını şərtləndirir ki, bu da soğanın tez xarab olmasına səbəb olur.

Əgər siz də kartof və soöanlarınızın tez xarab olmasını istəmirsinizsə, mümkün qədər onları fərqli yerlərdə saxlamalısınız.

Aymirə Ağamirova