Müəllimlərin nəzərinə! MİQ-də İLK DƏFƏ... - EKSKLÜZİV

Bu il ilk dəfə olaraq Müəllimlərin İşə Qəbul müsabiqəsi ASAN Login üzərindən həyata keçiriləcək.

Bu barədə Ulusum.az saytına Məktəbəqədər və Ümumi Təhsil üzrə Dövlət Agentliyinin əməkdaşı Muxtar Hacıyev məlumat verib.

Bildirib ki, müəllimlər miq.edu.az saytına daxil olduqda "Qeydiyyat" düyməsini basdıqdan sonra sistem onları "ASAN Login"ə yönləndirəcək. Müəllimlər orada qeydiyyatdan keçdikdən sonra yenilən miq.edu.az sayıtna qayıdacaq və qeydiyyatlarını tamamlaya biləcəklər.
"Bizim "ASAN Login" sisteminə keçməkdə əsas məqsədimiz məlumatların qorunmasını təmin etməkdir. Proses başlamamışdan əvvəl məsləhət görülür ki, əvvəlcədən "ASAN Login"dən qeydiyyatdan keçsinlər. Çünki məlumat 3-5 gün ərzində təsdiqlənir. Artıq bizim qeydiyyatımız 15-22 May tarixləri arasında olduğu üçün vaxt məhdudur. Müsahibədə iştirak edəcək vətəndaşlar bu günlərdə artıq qeydiyyatdan keçməlidirlər", - deyə Muxtar Hacıyev qeyd edib.

Qeyd edək ki, əvvəlcədən bu sistemdə qeydiyyatı olan şəxslərin yenidən qeydiyyatına ehtiyac yoxdur.

"ASAN Login"də qeydiyyatdan keçməyən müəllim MİQ-in Müsabiqə mərhələsində iştirak edə bilməyəcək.
Aymirə Ağamirova