Azərbaycan Konsaltinqlər Assosiasiyası: Xidmət Sektorunun Yeni Nəfəsi - FOTO

2023-cü il 1 oktyabr tarixində təsis olunan Azərbaycan Konsaltinqlər Assosiasiyası (AKA), ölkədə biznes mühitinin davamlı inkişafını dəstəkləmək və xidmət sektorunda keyfiyyətli transformasiyaya təkan vermək məqsədilə yaradılmışdır.

“Ulusum”.az-ın məlumatina görə, assosiasiyanın əsas məqsədi – təlim və məsləhət xidmətləri göstərən şirkətlərin peşəkar səviyyəsinin yüksəldilməsi, konsaltinq sahəsində ixtisaslı kadr potensialının inkişafı və sahədə effektiv əməkdaşlıq mühitinin qurulmasıdır.

AKA öz üzvləri üçün yalnız bir platforma deyil, həm də:

Bilik və təcrübə mübadiləsi üçün mütərəqqi bir məkan,

Xidmət keyfiyyətinin artırılması və beynəlxalq standartlara inteqrasiya üçün yol göstərici,

Dövlət və özəl sektorlar arasında dialoqun dərinləşdirilməsi üçün körpü rolunu oynayır.

Assosiasiya tərəfindən keçirilən tədbirlər, layihələr və təşəbbüslər, üzvlərin rəqabət qabiliyyətinin yüksəldilməsinə, eləcə də qlobal meyarlara uyğun xidmət təkliflərinə transformasiyasına xidmət edir.



Strateji Hədəf:

Dövlət və özəl sektora təlim və məsləhət xidmətləri göstərən şirkətlərin institusional və funksional bacarıqlarını artırmaq, ixtisaslı kadr dövriyyəsini stimullaşdırmaq və güclü, rəqabətədavamlı konsaltinq bazası formalaşdırmaq.



Müasir biznes çağırışlarına cavab olaraq, AKA-nın yaradılması xidmət sektorunda şəbəkələşmə, biliklərin paylaşımı və peşəkar əməkdaşlığın təşviqi baxımından mühüm dönüş nöqtəsidir.