Uğura aparan qapı - Nitqdədir: Uorren Baffetdən həyat dərsi

Milyarder və Berkshire Hathaway şirkətinin rəhbəri Uorren Baffet, indiyə qədər pulun effektiv qorunması ilə bağlı məsləhətlər versə də, bu dəfə insanın öz dəyərini necə azı 50% artırmağın sadə yolunu açıqlayıb.

“Özünüzü indiki halınızdan ən azı 50% daha dəyərli etmək istəyirsinizsə, bir yol var: ünsiyyət bacarıqlarınızı təkmilləşdirin – istər yazılı, istər şifahi.” – deyə CNBC onun sözlərini sitat gətirib.

Baffet əlavə edib ki, ən yüksək intellekt belə, əgər bilikləri düzgün ifadə edə bilmirsinizsə, nəticə verməz:

“Bütün ağıla sahib ola bilərsiniz, amma onu paylaşmağı bacarmırsınızsa, bu elə bil qaranlıqda qıza göz vurmaq kimidir – heç nə baş verməyəcək.”

O, özünün də gənc yaşlarında ictimai çıxışlardan qorxduğunu deyib. Columbia Biznes Məktəbini bitirdikdən sonra cəmi 100 dollara qatıldığı bir natiqlik kursu onun həyatını dəyişib.

Kursa başlamazdan əvvəl, başqalarının qarşısında danışmağı düşünəndə onu az qala ürəkbulanma tuturdu. Amma 12 həftəlik təlimdən sonra, ünsiyyət bacarıqları xeyli yaxşılaşdı və bu, onun uğurunun əsas sütunlarından birinə çevrildi.

“Mən sadəcə davam etdim… İndi isə danışmağa başlasam, məni dayandıra bilməzsiniz!” – deyə CEO gülümsəyərək bildirib.