İnsan skeleti TAPILDI - Yarımtikilidə EKSKLÜZİV

Konyada 2 ildir fəaliyyəti dayandırılan tikintidə insan skeleti tapılıb.

Ulusum.az Türkiyə mediasına istinadən xəbər verir ki, hadisə saat 14.30 radələrində mərkəzi Karatay rayonu, Alaaddin Kap küçəsində yerləşən 13 mərtəbəli tikinti sahəsində baş verib.
İNSAN SKELETİ TAPILDI
Məlumata görə, 2 ilə yaxındır məhkəmə çəkişmələri səbəbindən fəaliyyəti dayandırılan tikinti üçün material toplamağa gələn işçilər tikintinin 11-ci mərtəbəsində insan skeleti aşkar ediblər. Onlar hadisə ilə bağlı 112 Təcili Zəng Mərkəzinə məlumat veriblər. Hadisə yerində aparılan ilkin araşdırmalardan sonra insan skeleti yarılma üçün Konya Şəhər Xəstəxanasının meyitxanasına aparılıb. Geyiminə görə skeletin kişiyə aid olduğu, ölüm səbəbinin isə tibbi ekspertizadan sonra müəyyənləşəcəyi öyrənilib.

Araşdırmalar davam etdirilir.

Aymirə Ağamirova