Bukmeykerlərin PROQNOZU - EKSKLÜZİV

Bu gün İsveçin Malmö şəhərində 68-ci "Avroviziya" mahnı müsabiqəsi start götürəcək.

Ulusum.az xəbər verir ki, birinci yarımfinalda 15 ölkə təmsilçisi çıxış edəcək. Onlar Ukrayna, Kipr, Polşa, Serbiya, Litva, Xorvatiya, İrlandiya, Sloveniya, İslandiya, Finlandiya, Portuqaliya, Lüksemburq, Avstraliya, Moldova və Azərbaycandır.

Ölkəmizi yarışmada Fahree və İlkin Dövlətov "Özünlə apar" mahnısı ilə təmsil edəcək. Onlar səhnəyə 12-ci yerdə çıxacaqlar.

Bukmeykerlər bu gün üçün proqnoz veriblər. Belə ki, "öncəgörənlər" gecenin Azərbaycan təmsilçiləri üçün heç də asan keçməyəcəyini bildirirlər. Lakin Azərbaycanın finala vəsiqə qazanacağına inanırlar. Bu gecənin favoriti Ukrayna və Portuqaliya sayılır.

Qeyd edək ki, ikinci yarımfinal mayın 9-da keçiriləcək. Final isə mayın 11-də olacaq. Finala birbaşa vəsiqə qazanan ölkələr İsveç, Almaniya, Böyük Britaniya, Fransa, İtaliya və İspaniyadır.

Ağa Dadaşzadə