“Hədəfim Azərbaycanı Olimpiadada uğurla təmsil etməkdir”

Kişilər arasında son Azərbaycan çempionu Aydın Süleymanlı xüsusi olaraq Ulusum.az saytına açıqlama verib. Gənc şahmatçı çempion olması barədə bunları danışıb:

“Şahmat üzrə kişilər arasında Azərbaycan Çempionatı yüskək səviyyədə təşkil olundu, görüşləri çox maraqlı keçdi. Mənim kişilər arasında Azərbaycan Çempionatinda ilk medalım idi, şükür ki, ilk medal elə qızıl oldu. Mənim görüşlərim çox çətin keçdi. Seçmə mərhələdə ilk 4 yer finala vəsiqə qazanırdı ki, mən ikinci yeri tutub finala vəsiqə qazandım. Finaldakı görüşlərim uğurlu oldu, həm də final görüşləri "nokaut" sistemi ilə baş tutdu".

Turnirə çox ciddi hazırlaşdığını deyən Aydın Süleymanlı onun da məntiqi nəticəsi kimi qalib olduğunu bildirib.

"3-13 may tarixlərində BƏƏ-də Qlobal Şahmat Çelencində iştirak edəcəm, həmin yarışdan da gözləntilərim yüksəkdir.

Hədəfim bu il 2650 reytinq baryerini keçib milli komandanın şərəfini qorumaqdır. Bundan başqa, Azərbaycanı Olimpiadada uğurla təmsil etmək ən böyük hədəfimdir".

Qeyd edək, Aydın Süleymanlı kişilər arasında son Azərbaycan Çempionatının qalibi olub.

Ağa Dadaşzadə