"Sənətdən onlara görə UZAQLAŞDIM!" EKSKLÜZİV

“3 il öncəyə qədər ömrümün çox hissəsini musiqiyə həsr etmişdim. Düzdür, özümə peşəkar musiqiçi demirəm, ancaq istedadım var, buna görə də bir çox peşəkar müğənnilərə mahnılar yazmışam”.

ULUSUM.az saytının məlumatına görə, bu sözləri "Qırmızı adam" kimi tanınan bəstəkar Faiq Erol deyib. Hazırda əyləncəli proqramların müəllif olan F.Erol musiqidən uzaqlaşmağının səbəbini açıqlayıb:

“Bir neçə sevilən mahnıların müəllifiyəm. Ən populyarı rəhmətlik İlhamə Quliyevanın Nuri Sərinləndirici ilə oxuduğu "Sevgi nağılı" mahnısıdır. Son illər musiqi keyfiyyətsiz yön aldıqdan sonra sənətə olan marağım demək olar ki, öldü. Tam səmimi deyirəm ki, mahnılarımı gözəl ifaçılara hədiyyə edirdim. Sonra gördüm ki, peşəkar ifaçıların sayı azalır, ona görə mən də sənətdən uzaqlaşdım”.

Ağa Dadaşzadə