İdxal olunan qida məhsullarına qadağa tətbiq edilib

“Ulusum”.az xəbər verir ki, AQTA tərəfindən həyata keçirilən nəzarət tədbirləri zamanı ölkəmizə idxal olunan bəzi qida məhsullarında uyğunsuzluqlar aşkarlanıb. Aşkarlanan faktlarla əlaqədar olaraq, zəruri tədbirlər görülüb və tənzimləmə tədbirləri çərçivəsində bir sıra xarici şirkətlərdən ölkəmizə məhsul idxalına qadağalar tətbiq olunub.

Ukrayna Respublikasının “Shidzahid”, “Zagotservice”, "Myasador” və "VKP Verbovskoye" MMC istehsalçı şirkətlərinin dondurulmuş mal əti məhsullarında uyğunsuzluqlar aşkar edilib. Eyni zamanda, bu ölkənin “Lutskaya Agrarnaya Kompaniya” şirkətinin dondurulmuş toyuq ayağı məhsulunda da uyğunsuzluq tapılıb.

Bununla yanaşı, Belarus Respublikasının “Santa Bremor” və “Qrodnenskiy Myasokombinat OAO” şirkətlərinin məhsullarında da uyğunsuzluqlar aşkar olunub. Braziliya və Monqolustan istehsalçılarına aid məhsullarda da oxşar problemlər müşahidə edilib. Rusiya Federasiyasının "Miratorg-Kurs" şirkətinin donuz əti məhsullarında da uyğunsuzluqlar aşkarlanıb. Müvafiq olaraq, həmin ölkələrin aidiyyəti qurumlarına bildiriş məktubları göndərilib.