Polşa Trampa şans verməyə çağırır

Polşa prezidenti Anjey Duda Amerika lideri Donald Trampın Rusiyaya qarşı müstəsna olaraq “yaxşı və mehriban” davrandığına inanmır.

“Ulusum”.az xəbər verir ki, o, bu barədə Financial Times-a müsahibəsində bildirib.

Polşa prezidenti qeyd edib ki, onun fikrincə, Ağ Ev rəhbəri öz alətlərindən Moskvaya qarşı istifadə edir. Lakin onlar Vaşinqtonun Kiyevə münasibətdə istifadə etdiyi kimi nəzərə çarpmır.

“Bu, incə diplomatiya deyil, çətin oyundur, amma mənim fikrimcə, prezident Trampın Rusiya ilə sadəcə xoş və şirin davranması deyil”, - Duda deyib.

Bundan əlavə, Polşa prezidenti Trampa Ukraynadakı münaqişəni dayandırmaq şansı verməyə çağırıb. Duda vurğulayıb ki, hazırda “heç kim bu münaqişəni dayandıra bilməyib”.