Fon der Leyenin Aİ-nin ABŞ-ın tariflərinə cavabı

Avropa Komissiyasının rəhbəri Ursula fon der Leyen verdiyi açıqlamada, Avropa İttifaqının ABŞ-ın Avropa alüminiumu və poladına tətbiq etdiyi tariflərə cavabının güclü, lakin mütənasib olduğunu bildirib. Bu barədə "Ulusum" saytının xarici mətbuata istinadən məlumat verdiyi qeyd edilir.

Fon der Leyen, 26 milyard avro dəyərində idxala rüsumların tətbiq edilməsinin ABŞ tariflərinin iqtisadi miqyasına uyğun olduğunu vurğulayıb: "Aİ, biznesləri və istehlakçıları qorumaq üçün hərəkətə keçməlidir. Bu gün gördüyümüz əks tədbirlər güclü, lakin mütənasibdir", — deyə o qeyd edib.

Avropa Komissiyasının rəhbəri, Avropa İttifaqı ilə ABŞ arasındakı ticarət əlaqələrinin dünyanın ən böyük əlaqələri olduğunu bildirib. Bu əlaqələrin milyonlarla insana rifah və təhlükəsizlik gətirdiyini və ticarətin Atlantik okeanının hər iki tərəfində minlərlə iş yeri yaratdığını əlavə edib. Fon der Leyen, ABŞ-ın polad və alüminium idxalına tətbiq etdiyi 25%-lik tariflərə görə dərin təəssüf hissi keçirdiyini bildirib və bildirib ki, öz iqtisadiyyatlarını tariflərlə yükləmək ölkələrin maraqlarına uyğun deyil. Buna görə də, Avropa İttifaqı "mənalı dialoqa" hazırdır.

Rəxşəndə İkramlı