ABŞ Konqresinin Senatı Marko Rubionu dövlət katibi vəzifəsinə təyin edib

ABŞ Konqresinin Senatı bazar ertəsi Marko Rubionun Dövlət Departamentinin rəhbəri vəzifəsinə namizədliyini təsdiqləyib.

“Ulusum”.az xəbər verir ki, bu barədə C-SPAN telekanalı məlumat yayıb.

Jurnalistlərin verdiyi məlumata görə, yuxarı palatanın 99 üzvü "lehinə", heç biri isə "əleyhinə" səs verməyib.

İclasda onun təyinatının təsdiqləndiyi elan olunub. ABŞ Prezidenti Donald Trampa bu barədə dərhal məlumat veriləcəyi bildirilib.

Rubio, ABŞ-ın milli maraqlarını müdafiə etməyə yönəlmiş Trampın siyasətinə riayət edəcəyini bəyan edib. O, həmçinin NATO-nu dəstəkləməyə və Ukraynadakı münaqişəni sona çatdırmaq üçün "tərəflərin hamısının kompromisləri naminə cəsarətli diplomatik yanaşma" seçməyə hazır olduğunu bildirib.

Səidə