Napoleon əsgərlərinin ölüm səbəbi dəyişdi: Tif yox, Salmonella?

Napoleon ordusunun 1812-ci ildə Moskvadan geri çəkilməsi zamanı əsgərlərin ölüm səbəbi, əvvəl düşünüldüyü kimi tif və xəndək qızdırması yox, Salmonella enterica və Borrelia recurrentis bakteriyaları ola bilər. Bu barədə alimlər bioRxiv.org saytında dərc olunan araşdırmanın nəticələrinə əsasən bildiriblər. Aparılan analizlər, gigiyenasızlıq və aclıq şəraitində çiçəklənən bu təhlükəli bakteriyaların mövcudluğunu aşkar edib.

Mütəxəssislər Vilnüsdə kütləvi məzarlıqda tapılan 13 əsgərin dişlərindən DNT nümunələri götürərək tədqiq ediblər. Yeni metagenom analiz metodu sayəsində təhlükəli mikroorqanizmlər aşkar edilib. Alimlər texnologiyanın inkişafına baxmayaraq, tapıntıların hələlik yekun nəticə üçün əsas vermədiyini qeyd ediblər.

Qədim DNT üzrə ekspert Salli Uosef bu barədə belə deyib: “Mənim fikrimcə, nəticələr daha çox ehtimal xarakterlidir, nəinki qəti.”

O əlavə edib ki, tarixi mənbələrdə qeyd olunan simptomlar (yüksək hərarət, səpmə, halsızlıq) başqa xəstəliklərin də əlamətləri ola bilər. Tədqiqatçılar dəqiq nəticələrə gəlmək üçün fərqli yerlərdə həlak olmuş daha çox əsgərin qalıqlarının öyrənilməsinin vacibliyini vurğulayıblar.

Ulusum.az