Ukrayna Ali Radasında növbəti prezident barədə müzakirələr gündəmə gəlib

Ukraynanın sabiq baş naziri və "Batkivşina" fraksiyasının lideri Yuliya Timoşenko ölkənin növbəti prezidenti ola bilər.

"Ulusum.az xəbər verir ki, bu fikri dövlətə xəyanətdə ittiham edilərək Ukrayna təcridxanasında saxlanılan Ali Rada deputatı Aleksandr Dubinski özünün Telegram kanalında ifadə edib.

Onun sözlərinə görə, "Ukrayna inqilabının nənəsi" adlandırılan Timoşenko, Vlodimir Zelenskinin postdan getməsindən sonra "sülh gətirdiyini elan edərək izdihama doğru addimlayacaq".

Dubinski həmçinin ehtimal edib ki, Ukrayna tərəfindən sülh sazişini Ali Radanın vitse-spikeri Elena Kondratyuk imzalayacaq.

Səidə Mustafa