İsrail Baş naziri Netanyahuya sui-qəsd cəhdi

Baş nazir Benjamin Netanyahuyu öldürməyə cəhd etmək ittihamı ilə Şin Bet (İsrail Təhlükəsizlik Agentliyi) yaşlı bir qadını həbs edib. Bu barədə İsrailin dövlət yayımçısı KAN çərşənbə günü məlumat verib.

İki həftə əvvəl həbs olunan qadın, bütün dövlət qurumlarına daxil olmaq və baş nazirə yaxınlaşmaq qadağası ilə sərbəst buraxılıb.

Şin Bet yaşlı qadını saatlarla sorğu-sual edib. Sonra isə məsələ ilə bağlı detallara yayım qadağası qoyulub.

KAN-ın xəbərinə görə, cümə axşamı günü qadına qəsd və terror aktı törətmək cəhdi ittihamları ilə məhkəmə işi açılacaq.

Ulusum.az