Macar baş nazirdən Avropaya mesaj: "Öz maraqlarınızı düşünün, Putini yox!"

Macarıstanın Baş naziri Viktor Orban Fransanın LCI telekanalına verdiyi müsahibəsində bildirib ki, Rusiya ilə dialoq yalnız güc mövqeyindən aparılmalıdır. Onun sözlərinə görə, “ruslar yalnız güc dilini anlayır”.

Orban vurğulayıb: “Hazırda Avropa zəifdir, bu səbəbdən amerikalılara ehtiyacımız var. Ancaq uzunmüddətli perspektivdə Avropa daha da güclənməlidir. Yalnız güclü bir Avropa Rusiya ilə strateji saziş imzalaya bilər.”

Macar lider əlavə edib ki, Avropa ölkələri ilk növbədə öz maraqları haqqında düşünməlidirlər:
“Biz Putini deyil, özümüzü düşünməliyik. Avropanı Putinin fiquruna görə ölçmürük. Öz maraqlarımız var. Biz həm Rusiya ilə, həm də Rusiyaya qarşı güclü olmalıyıq. Rusiya Prezidenti – Rusiyanın prezidentidir. Əgər o, Macarıstana gəlmək istəsə, bütün rəsmi ehtiramla qəbul ediləcək.”

Ulusum.az