"Ukraynanın NATO-ya girişi fəlakətə yol açar" – Orban açıq danışdı

"Avropa bir gün Rusiya ilə oturub ciddi strateji saziş imzalamalı olacaq. Bu isə yalnız güclü Avropa tərəfindən baş verə bilər".

Bu sərt və diqqətçəkən fikirləri Macarıstanın Baş naziri Viktor Orban Fransanın “LCI” telekanalına verdiyi müsahibəsində səsləndirib. Onun sözlərinə görə, Avropa İttifaqı Rusiya ilə dialoqu davam etdirməli, emosiyaya deyil, real güc balansına əsaslanmalıdır.

Orban müsahibəsində Ukraynanın NATO və Aİ-yə üzvlüyü məsələsinə də toxunub və bu məsələni tam şəkildə qəbuledilməz adlandırıb.

“Ukraynanın iqtisadi durumu çox zəifdir. Bu vəziyyətdə nə NATO-ya, nə də Aİ-yə üzv ola bilməz. Əgər Ukrayna NATO-ya qoşularsa, bu, Alyansla Rusiya arasında birbaşa müharibə deməkdir. Biz isə bu qarşıdurmadan uzaq durmalıyıq”, – deyə o, açıq şəkildə bildirib.

Macar liderə görə, geosiyasi reallıq bu gün Ukraynanın üzvlüyünə imkan vermir və Avropa bu riskləri çox ciddi şəkildə qiymətləndirməlidir.

Ulusum.az