San-Fransiskoda SSRİ bayrağı altında etiraz – Trampa sərt cavab!

San-Fransiskoda ABŞ Prezidenti Donald Trampın miqrasiya siyasətinə qarşı etiraz edən nümayişçilər SSRİ bayrağı ilə küçələrə çıxıblar. Bu barədə "SHOT" Telegram kanalı məlumat yayıb.

Kadrlarda bir kişinin üzərinə ora-serp və çəkic simvolları olan SSRİ bayrağını taxdığı açıq şəkildə görünür.

Etirazların alovlanmasına səbəb 8 iyun tarixində ABŞ-ın Miqrasiya və Gömrük Polisi (ICE) tərəfindən Los-Ancelesin mərkəzində keçirilən reyd olub. Qanunsuz miqrantların aşkar olunması məqsədilə aparılan əməliyyat sonradan etirazçılarla qarşıdurmaya çevrilib.

Ağ Ev bu aksiyaları “qanuna qarşı üsyan” adlandırıb. Prezident Tramp isə Kaliforniya qubernatoru Qavin Nyusomu və Los-Anceles meri Karen Bassı vəziyyəti nəzarətə almaqda aciz qalmaqda ittiham edib.

Qubernator Nyusom isə cavabında Trampın Los-Ancelesə 2000 nəfərlik Milli Qvardiya göndərmək qərarını “qəsdən təhrikedici addım” adlandırıb.

Ulusum.az