Kolumbiyada prezidentliyə namizədə hücum

2026-cı ilin mayında keçiriləcək prezident seçkilərində namizəd ola biləcəyi gözlənilən kolumbiyalı senator Migel Uribe, Boqotada seçki mitinqi zamanı hücum edilib.

Ulusum. az “Associated Press”ə istinadən bildirir ki, Uribenin başından xəsarət aldığı ehtimal olunur. Hadisə yerindən yayılan görüntülər də bunu təsdiqləyir. Hücum edən şəxs senatorun mühafizəçisi tərəfindən silahla yaralanaraq saxlanılıb. Onun bu addımı hansı motivlə atdığı isə hələlik naməlumdur.

Boqota meri Karlos Qalan hücum faktını sosial şəbəkələrdə təsdiqləyib. Uribenin təmsil olunduğu sağçı “Demokratik Mərkəz” partiyası isə hadisəni “qəbuledilməz zorakılıq aktı” adlandırıb.

Senatorun səhhəti ilə bağlı rəsmi açıqlama verilməyib, lakin yerli KİV-lər onun vəziyyətinin ağır olduğunu yazır. Kolumbiyada siyasi gərginlik daha bir təhlükəli həddə çatdı.