SSRİ hərbçilərinin NLO ilə qarşılaşması: 23 hərbçi daş oldu

Fox News, ABŞ Mərkəzi Kəşfiyyat İdarəsinin (CIA) saytında yayımlanan sənədə istinad edərək məlumat verib ki, SSRİ hərbçiləri 1989-1990-cı illər arasında qeydə alınan bir hadisə nəticəsində həyatlarını itiriblər. Rəsmi sənədlərə görə, sovet hərbçiləri qeyri-müəyyən bir təyyarəni "yer-hava" raketi ilə vurub, nəticədə təyyarə hərbi bazaya yaxın bir ərazidə qəzaya uğrayıb.

Hadisə yerində "beş qısa boylu humanoid, böyük başları və böyük qara gözləri olan" varlıqın raketlərin səbəb olduğu qəzadan sağ çıxdığı bildirilir. Bu varlıqlar daha sonra birləşərək tək bir obyektə çevrilib və işıq saçaraq 23 hərbçini, yalnız iki nəfəri istisna olmaqla, daş halına gətiriblər.

Bəzi məlumatlara görə, bu hadisə barədə KQB (SSRİ Dövlət Təhlükəsizlik Komitəsi) sənədləri doğru olsa, bu, çox ciddi bir təhdid ola bilər. "İnoplanetlərin əllərində bizim ən cəsarətli təsəvvürlərimizi aşan silahlar və texnologiyalar var. Onlar müdafiə edə bilərlər, əgər onlara hücum edilərsə," – deyə adı açıqlanmayan bir CIA nümayəndəsi bildirib.