Sülh üçün sərt diplomatiya – Vitkoff Moskvada, Tramp qərarlı

Vaşinqton Ukraynada atəşkəs məsələsində ciddi şəkildə hərəkətə keçib.

"Ulusum".az TASS-a istinadən xəbər verir ki, Ağ Evin mətbuat katibi Karolin Levitt təsdiqləyib ki, ABŞ prezidentinin xüsusi elçisi Stiven Vitkoff hazırda Rusiyadadır və orada birbaşa Vladimir Putinlə görüşüb.

“Bu səfər Kreml və Putinlə birbaşa təmas məqsədi daşıyır. Danışıqlar Ukrayna ilə Rusiya arasında atəşkəs və sülh razılaşmasına doğru gedən prosesin bir hissəsidir,” – deyə Levitt jurnalistlərə bildirib.

Qeyd edib ki, hələlik bu görüşlərin detalları açıqlanmayacaq:

“Danışıqlar davam etdikcə, nə mən, nə də prezidentin komandası hansısa detala öncədən münasibət bildirə bilmərik.”

Levitt onu da əlavə edib ki, Tramp artıq hər iki tərəfin vəziyyətindən narazı olduğunu açıq şəkildə ifadə edib və bu münaqişəyə son qoymaq istəyir.

“Biz hesab edirik ki, bu sülh prosesində ABŞ-ın təsir imkanları var, və biz bundan istifadə etməyə hazırıq,” – deyə o vurğulayıb.
“Prezident bu işi sona qədər aparmaqda qərarlıdır.”