Witkoff Trampa təklif etdi: Ukraynanın 4 bölgəsini Rusiya kimi tanıyaq?

ABŞ prezidenti Donald Trampın xüsusi nümayəndəsi Stiven Witkoff, Vaşinqtonda rusiyalı rəsmilərdən Kirill Dmitriyev ilə görüşdən sonra, Trampa Ukraynada atəşkəsə nail olmağın “ən sürətli yolu”nu təklif edib.

Reuters agentliyinin yazdığına görə, Witkoff hesab edir ki, sülhə aparan ən qısa yol – Rusiyanın artıq nəzarət etdiyi dörd Ukrayna bölgəsinin (Donetsk, Luqansk, Zaporojye və Xerson) rəsmi olaraq Rusiya ərazisi kimi tanınmasıdır.

Onun sözlərinə görə, “Bu, Rusiya üçün real sahibliyin təsdiqi olardı və münaqişənin tezliklə dayandırılmasına yol aça bilər”.

Witkoff bu fikirləri birbaşa Ağ Evdə Trampla görüş zamanı ona çatdırıb.

Amma bu təklif Trampın Ukrayna üzrə digər xüsusi nümayəndəsi general Kit Kelloq tərəfindən ciddi şəkildə rədd olunub. O bildirib ki, Kiyev belə bir şərtlə heç vaxt razılaşmayacaq və bu addım Ukrayna üçün qəbuledilməzdir.

Hələlik Tramp bu məsələdə konkret qərar verməyib, və yeni strategiya ilə bağlı yekun mövqe açıqlanmayıb.