"Meta" ittiham olunub

"Meta" şirkəti, süni intellekt modelini öyrətmək üçün pirat kitabxanası olan “Libgen”dən istifadə etməkdə ittiham olunub.

"Ulusum".az AZƏRTAC-a istinadən xəbər verir ki, “Meta” şirkəti özünün yeni model süni intellektini öyrətmək üçün “Libgen” pirat kitabxanasından istifadə edib. Bu fakt ABŞ-ın “The Atlantic” jurnalının araşdırmaları nəticəsində üzə çıxıb.

ABŞ-ın “The Atlantic” jurnalının araşdırmalarına görə, şirkət müəllif hüquqları ilə qorunan 7,5 milyondan çox kitabdan, o cümlədən İsveç əsərlərindən istifadə edib. Bu, İsveç müəlliflərini narazı salıb və onlar Mədəniyyət Naziri Parisa Liyestrandan müdaxilə tələb ediblər.



Müəlliflər “Meta”dan istifadə olunan əsərlərin şəffaf şəkildə açıqlanmasını, kompensasiya ödənilməsini və əsərlərinin istifadəsinə qadağa qoyulmasını istəyirlər.

Böyük Britaniyada bir neçə yazıçı da şirkəti oğurluqda ittiham ediblər. “Meta” isə özünü və süni intellekt modelini fəal şəkildə müdafiə edəcəyini bildirib.