ABŞ Trampı tənqid edən Nobel laureatının ölkəyə girişi qadağan edib

Birləşmiş Ştatlar hakimiyyəti, Kosta-Rikanın keçmiş prezidenti və Nobel Sülh Mükafatı laureatı Oskara Arias Sançesə ölkəyə girişə qadağa qoyub.

“Ulusum”.az-ın məlumatina görə, bu barədə The Guardian xəbər verir. ABŞ hökuməti bu addımı, siyasətçinin ABŞ prezidenti Donald Trampı sosial şəbəkələrdə tənqid etməsindən sonra atıb.

Arias bildirib ki, ABŞ hökumətindən aldığı elektron məktubda vizasının dayandırıldığı barədə məlumat verilib, amma səbəblər göstərilməyib. "Təxminlər irəli sürmək olar", - deyə Arias qeyd edib.

Fevral ayında Arias, hazırkı prezident Rodrigo Çavesin ABŞ-ın təzyiqlərinə məruz qaldığını bildirib. Onun açıqlamaları, Vaşinqtonun 3 kostarikalı qanunvericinin vizalarını geri çəkməsindən sonra səslənib. Bu şəxslər, Çavesin Çin şirkətlərini ölkədə 5G inkişafından çıxarmaq qərarına qarşı çıxmışdılar.