1918-ci ilin Mart Soyqırımı-Azərbaycan Tarixində Qanlı Faciə

1918-ci ilin mart soyqırımları, Azərbaycan tarixində və ümumilikdə bəşər tarixində ən qanlı faciələrdən biri olaraq yaddaşlarda qalır. Bu soyqırım, erməni cəlladlarının Azərbaycana qarşı həyata keçirdiyi kütləvi qırğındır. Onlar əlverişli fürsətdən istifadə edərək, dinc əhaliyə qarşı amansızcasına və qəddarcasına hücum etdilər. Uşaq, qadın, qoca demədən, hər kəsin həyatına son qoydular. On minlərlə azərbaycanlı ilə yanaşı, ləzgi, yəhudi, rus, avar və talış millətindən olan insanlar da qılıncdan, süngüdən keçirildi, diri-diri yandırıldılar.



Bakıda və digər bölgələrdə, Şamaxı, Quba, Qarabağ, Zəngəzur, Naxçıvan, Lənkəran və Gəncə kimi ərazilərdə baş verən bu soyqırım, təkcə insan həyatı ilə deyil, milli və mədəni irsimizlə də bağlı idi. Milli memarlıq abidələri, məktəblər, xəstəxanalar, məscidlər, mədəniyyət ocaqları dağıdıldı. Bakının böyük bir hissəsi xarabalığa çevrildi, şəhərin mədəniyyəti və infrastrukturuna vurulan zərbə öz izini hələ də buraxır.

Bu soyqırım yalnız fiziki yox, eyni zamanda Azərbaycan xalqının ruhuna və tarixinə vurulmuş ağır bir zərbə idi. Azərbaycanın bu ağır faciəsi həm də digər millətlərə qarşı göstərilən qəddarlığın bir göstəricisi oldu. O zamanlar baş verən bu amansız qırğın, Azərbaycanın müstəqillik və suverenlik mübarizəsində qarşılaşdığı ən dəhşətli sınaqlardan biri olaraq tarixi yaddaşda silinməz izlər buraxdı.

26 mart 1998-ci ildə "Azərbaycanlıların soyqırımı haqqında" Azərbaycan Respublikası Ulu Öndər H. Əliyevin "31 Mart Azərbaycanlıların soyqırımı Günü" kimi qeyd olunması üçün xüsusi fərmanı olmuşdur.